Vaison

« Pèira romana en país rodanenc – Vaison » 

Es la 1èra partida d’una seria de 4 documentaris que presentan de comparasons istorica, arquitecturala e culturala de 4 monuments en Provença rodanenca. Aquela emission es consacrada au teatre antic de Vaison. Entre lei presas de vista dau site roman e dau festenau Vaison Danses, Mélanie Bienfait, guida, e Jean-Louis Ramel, ancian ensenhaire, nos partejan sei coneisséncias e impressions a prepaus d’aquel edifice que la foncion a jamai cambiat, dei Romans a uèi. Un documentari d’Amada Cròs.

 

Aurenja

« Pèira romana en país rodanenc – Aurenja » 

Se tracta de la 2nda partida de la seria documentària, sus lo meme tèma e la mema estructura. Aqueste còp, anarèm au rescontre d’Alain Costantini, Istorian locau, e Paulin Reynard, director de produccion ai Coregias d’Aurenja, per evocar lei festejadas dramaticas dins l’Antiquitat, e que le Coregias modèrnas ne’n son que lo rebat. I podrètz mirar la bèutat d’un site ben conservat, que lo mur de scèna es demorat, embé tanben d’imatges dei Coregias de 2016. Un documentari d’Amada Cròs.

Nimes

« Pèira romana en país rodanenc – Nimes » 

Es la 3enca partida de nòstra seria. Per aquesta edicion, anarèm a Nimes per nos interessar de mai pròche a son amfiteatre. I veirètz d’entrevistas d’Eric Dars, professor d’Istòria, e Lisa Gròs, ex-cargada de comunicacion de la FFCC, sus fons d’imatges dei Grands Jòcs Romans e dau Trofèu deis As 2016. Dins una arena, lei genres d’espectacles son mens tancats dins l’art, e son mai pròches de l’espòrt, au contrari dei teatres antics abordats dins leis emissions passadas. Aquí, l’artista es vengut un combatent, un esportiu. Un documentari d’Amada Cròs.

 

Arle

« Pèira romana en país rodanenc – Arle » 

Emb aqueste 4en numerò de la seria « Pèira romana », acabam sus l’amfiteatre d’Arle, qu’es la seguida logica de nòstre percors. Rivala de sa vesina nimensenca, l’arena d’Arle vos sarà revelada per Viviane Roux, anciana ensenhairitz, e Christian Espelly, manadier. Tot aquò sostengut per d’imatges de la granda corsa camarguenca « La Cocarda d’Aur » e dei represenracions de combats de gladiators, per la companhiá ACTA. Nòstre biais d’utilizar un patrimòni eiretat contribuís a legitimar la construccion d’un edifice magistrau. Un documentari d’Amada Cròs.